மரகத நாணயம்
நகைச்சுவை கலந்த சிறந்த அட்வென்ச்சர் திரைப்படம் மரகத நாணயம். ஏ.ஆர்.கே. சரவணன் இயக்கத்தில் வெளிவந்த இப்படம் ரசிகர்கள் மத்தியில் நல்ல வரவேற்பை பெற்றது.
இப்படத்தில் ஆதி, நிக்கி கல்ராணி, ஆனந்த் ராஜ், டேனியல், முனீஸ்காந்த் உள்ளிட்ட பலரும் நடித்திருந்தார்கள். முதல் பாகத்தின் வெற்றியை தொடர்ந்து இப்படத்தின் இரண்டாம் பாகம் உருவாகும் என இப்படத்தின் இயக்குநர் அறிவித்திருந்தார்.
மாஸ் அப்டேட்
இந்நிலையில், நடிகர் ஆதி மரகத நாணயம் படத்தின் 2 – ம் பாகம் குறித்து சமீபத்திய பேட்டி ஒன்றில் பகிர்ந்துள்ளார்.
அதில், ” மரகத நாணயம் 2 – ம் பாகம் விரைவில் தொடங்க உள்ளது. இப்படத்தின் பிரீ புரொடக்சன் பணிகள் முழு வீச்சில் நடைபெற்று வருகிறது.
முதல் பாகத்தில் நடித்த அனைவரும் இரண்டாம் பாகத்தில் நடிக்க உள்ளனர். இந்த படத்தை தரமான படமாக உருவாக்க நாங்கள் முழு கவனம் செலுத்தி வருகிறோம்” என்று கூறியுள்ளார்.
