ராயன்
முன்னணி நடிகரான தனுஷ் இயக்கி நடித்துள்ள திரைப்படம் ராயன். இப்படம் இன்று உலகளவில் வெளியாகியுள்ளது. பா. பாண்டி படத்தின் மூலம் இயக்குனராக அறிமுகமானார் தனுஷ்.
இதன்பின் இவர் இயக்கத்தில் உருவாகியுள்ள இரண்டாவது படம் இது.
சன் பிக்சர்ஸ் நிறுவனம் தயாரித்துள்ள இப்படத்திற்கு ஏ.ஆர். ரஹ்மான் இசையமைத்துள்ளார். மேலும் இது தனுஷின் 50வது திரைப்படம் என்பது குறிப்பிடத்தக்கது.
இப்படத்தில் எஸ். ஜே. சூர்யா வில்லனாக நடித்துள்ளார்.
சந்தீப் கிஷன், அபர்ணா பாலமுரளி, துஷாரா விஜயன், காளிதாஸ், செல்வராகவன், சரவணன் உள்ளிட்டோர் முக்கிய கதாபாத்திரங்களில் நடித்துள்ளனர்.
முதல் நாள் ப்ரீ புக்கிங்
பெரிதும் எதிர்பார்ப்பில் வெளிவந்துள்ள ராயன் படத்தின் முதல் நாள் ப்ரீ புக்கிங் வசூல் குறித்து தகவல் வெளியாகியுள்ளது.
அதன்படி, ராயன் படம் முதல் நாள் ப்ரீ புக்கிங்கில் ரூ. 6.7 கோடிக்கும் மேல் வசூல் செய்துள்ளதாக கூறப்படுகிறது.
இது தனுஷின் கெரியர் பெஸ்ட் என சொல்லப்படுகிறது. இதனால் முதல் நாளின் மொத்த வசூல் தனுஷின் கெரியரில் புதிய வசூல் சாதனை படைக்கும் என எதிர்பார்க்கப்படுகிறது.
