பகத் பாசில்
தென்னிந்திய சினிமாவில் சிறந்த நடிகர்கள் என லிஸ்ட் எடுத்தால், அதில் கண்டிப்பாக டாப் 10ல் இவருடைய பெயரும் இடம்பெறும். தன்னுடைய ஒவ்வொரு திரைப்படத்திற்கும், வித்தியாசமான கதாபாத்திரங்களை தேர்ந்தெடுத்து, அதில் மக்களை கவரும் வண்ணம் நடித்து கலக்கிக்கொண்டு இருக்கிறார் நடிகர் பகத் பாசில்.
மலையாள திரையுலகில் என்ட்ரி கொடுத்து, இன்று தென்னிந்திய சினிமாவில் முன்னணி நட்சத்திரமாக இருக்கும் பகத் பாசில், தமிழில் சிவகார்த்திகேயன் நடிப்பில் வெளிவந்த வேலைக்காரன் படத்தின் மூலம் அறிமுகமானார்.
பின் சூப்பர் டீலக்ஸ், விக்ரம், மாமன்னன் ஆகிய படங்களில் நடித்தார். இந்த ஆண்டு வேட்டையன் மற்றும் ஆவேஷம் என இரண்டு ஹிட் படங்களை கொடுத்துள்ளார். மேலும் தற்போது வடிவேலுவுடன் இணைந்து மாரீசன் படத்தில் நடித்து வருகிறார் என்பது குறிப்பிடத்தக்கது.
பகத் பாசில் சம்பளம்
பகத் பாசில் போலீஸ் தோற்றத்தில் நடித்து 2021ஆம் ஆண்டு வெளிவந்த படம் புஷ்பா முதல் பாகம். இப்படத்தின் இரண்டாம் பாகம் கடந்த 5ஆம் தேதி வெளிவந்து வசூல் ரீதியாக நல்ல வரவேற்பை பெற்றுள்ளது. ஆனால், இப்படத்தில் பகத் பாசிலுக்கு வலுவான கதாபாத்திரம் கொடுக்கவில்லை என விமர்சனம் வைக்கப்பட்டுள்ளது.
இந்த நிலையில், புஷ்பா 2 படத்தில் நடிப்பதற்காக நடிகர் பகத் பாசில் வாங்கிய சம்பளம் குறித்து தகவல் வெளியாகியுள்ளது. அதன்படி, உலகளவில் இரண்டு நாட்களில் ரூ. 405 கோடிக்கும் மேல் வசூல் செய்துள்ள புஷ்பா 2 படத்திற்காக, நடிகர் பகத் பாசில் ரூ. 8 கோடி சம்பளமாக வாங்கி இருக்கிறார் என சொல்லப்படுகிறது. ஆனால், இது அதிகாரப்பூர்வமான தகவல் இல்லை என்பது குறிப்பிடத்தக்கது.
