தளபதி திரைப்படம்
சில திரைப்படங்களை எத்தனை முறை பார்த்தாலும் சலிக்கவே சலிக்காது. அந்த வரிசையில் இருக்கும் படங்களில் ஒன்று ரஜினிகாந்தின் தளபதி திரைப்படம்.
மணிரத்னம் இயக்கத்தில் நடிகர் ரஜினிகாந்த் நடிப்பில் உருவான இப்படம் கடந்த 1991 -ம் ஆண்டு வெளியாகி மாபெரும் வெற்றி பெற்றது. ரஜினிகாந்த் கேரியரில் வெளிவந்த பெஸ்ட் படங்களில் இந்த படமும் ஒன்று.
இப்படத்தில் மம்முட்டி, ஷோபனா, அரவிந்த்சாமி எனப் பல பிரபலங்கள் நடித்திருந்தனர். இளையராஜாவின் இசையில் வெளிவந்த ஒவ்வொரு பாடலும் இன்றும் ரசிகர்களின் பேவரைட் லிஸ்டில் உள்ளது.
மக்கள் மத்தியில் மாபெரும் அளவில் வெற்றியடைந்த இப்படம் இன்று வரை தமிழ் சினிமாவின் கல்ட் திரைப்படமாக பார்க்கப்படுகிறது. குறிப்பாக இப்படத்தில் வரும் சூர்யா – தேவா நண்பர்கள் காட்சி 90ஸ் கிட்ஸ் முதல் 2K கிட்ஸ் வரை பிரபலமடைந்துள்ளது.
மொத்த வசூல்
இதே நாளில் 33 வருடங்களுக்கு முன்பு ரஜினிகாந்தின் தளபதி திரைப்படம் வெளியாகியுள்ளது.
இந்நிலையில் இப்படம் மொத்தமாக அப்போது செய்த வசூல் குறித்து தகவல் வெளியாகி உள்ளது. அதன்படி, இப்படம் மொத்தமாக ரூ. 13 கோடி வரை வசூலித்துள்ளதாக கூறப்படுகிறது.
