அமரன்
தமிழ் சினிமாவில் தற்போது தனக்கென்று தனி இடத்தை பிடித்து முன்னணி நடிகராக வலம் வருகிறார் சிவகார்த்திகேயன். இவர் நடிப்பில் கடந்த வாரம் வெளிவந்து மக்கள் மத்தியில் மாபெரும் வரவேற்பை பெற்றுள்ளது அமரன் படம்.
ராஜ்குமார் பெரியசாமி இயக்கிய இப்படத்தில் சிவகார்த்திகேயனுடன் இணைந்து சாய் பல்லவி முதல் முறையாக நடித்திருந்தார். மேலும் ராஜ்கமல் நிறுவனம் மூலம் உலகநாயகன் கமல் ஹாசன் இப்படத்தை தயாரிக்க ஜிவி. பிரகாஷ் குமார் இசையமைத்திருந்தார்.
உண்மை சம்பவங்களை மையமாக வைத்து எடுக்கப்பட்ட இப்படம் மாபெரும் வெற்றியடைந்துள்ள நிலையில், சமீபத்தில் தான் இப்படத்தின் வெற்றியை படக்குழு அனைவரும் இணைந்து கொண்டாடினார்கள்.
வசூல்
இந்த நிலையில், 7 நாட்களில் அமரன் படம் உலகளவில் செய்துள்ள வசூல் குறித்து தகவல் வெளியாகியுள்ளது. அதன்படி, அமரன் படம் 7 நாட்களில் உலகளவில் ரூ. 180 கோடிக்கும் மேல் வசூல் செய்துள்ளது. இதுவரை சிவகார்த்திகேயன் நடிப்பில் வெளிவந்த எந்த ஒரு திரைப்படமும் இந்த அளவிற்கு வசூல் சாதனை புரியவில்லை என்பது குறிப்பிடத்தக்கது.
