இந்நிகழ்ச்சியில் தான் சானியாவின் வாழ்க்கை வரலாறு பற்றி அவரிடம் கேட்கப்பட்டது. சில ஆண்டுகளுக்கு முன்பே சானியாவின் வாழ்க்கையை படமாக எடுக்க இருப்பதாக தகவல்கள் வந்தன. மேலும் சானியாவின் வாழ்க்கை வரலாறு திரைப்படம் எடுக்கப்பட்டால் அவரது காதலியாக நடிப்பேன் என்று ஷாருக்கான் ஒருமுறை கூறியிருந்தார்.
இதைப்பற்றி தொகுப்பாளர் சானியாவிடம் கேட்கையில் அதற்கு அவர், முதலில் என் காதலை நான் கண்டுபிடிக்கவேண்டும் என்றார். அதைத்தொடர்ந்து தொகுப்பாளர், மேரியாக 2024 இல் பிரியங்கா சோப்ராவை நடிக்க வைத்ததாகவும், 2021 இல் பரினீதி சோப்ரா சாய்னாவாக நடித்ததாகவும் சுட்டிக் காட்டினார். எனவே உங்களின் வாழ்க்கை வரலாற்றில் யாரை நடிக்க வைத்தால் சரியாக இருக்கும் என நீங்கள் நினைக்கின்றீர்கள் என சானியாவிடம் தொகுப்பாளர் கேட்டார்.
அதற்கு சானியா, ஏன் மற்ற நடிகைகள் நடிக்க வேண்டும், நானே என் வாழ்க்கை வரலாற்றில் நடிக்கலாமே ? என்றார். இதைத்தொடர்ந்து ரசிகர்கள் பலரும் சானியா நடித்தால் நன்றாக இருக்குமே என கமன்ட் செய்து வருகின்றனர். இந்நிலையில் சானியா மிர்சா கடந்த 2010 ஆம் ஆண்டு பாகிஸ்தான் கிரிக்கெட் வீரர் ஷோயப் மாலிக்கை திருமணம் செய்துகொண்டார்.
இவர்களுக்கு ஒரு ஆண் குழந்தை பிறந்தது. இதையடுத்து ஷோயப் மாலிக் மற்றும் சானியா மிர்சா இருவரும் தற்போது விவாகரத்து பெற்று பிரிந்துள்ளனர். பிரபல நடிகையான சனா ஜாவேத் என்பவரை ஷோயப் மாலிக் திருமணம் செய்துகொண்டார். இதைத்தொடர்ந்து சானியா மிர்சா தனது விவாகரத்தை உறுதிப்படுத்தினார் என்பது குறிப்பிடத்தக்கது.
